بتعب عالفاضى
بجرى جرى الوحوش
مجهودى شبه ماضى
لحلم معرفوش
اليأس يدق بابى
عاللى صبح فشوش
بتعب عالفاضى
ويارب عنى حوش
بتعب عالفاضى
شايل حمل الحمول
خايف بقلب راضى
تايه وسط العقول
عايش على حادى بادى
والظلم يصول يجول
بتعب عالفاضى
عند الوعد والقول
بتعب عالفاضى
وياريت يطمر ف ناس
بشر ظالم معادى
عمال بيسقى الكاس
أصدق مين تانى
دا عنى غاب الأحساس
بتعب عالفاضى
يجيبوا الغلط فيا
أضحك للى قصادى
يشيلوا يحطوا عليا
وأى شىء بأى عادى
والجرح من واحد لمية
بتعب عالفاضى
مبقاش عندى حسن نية
..
قصيدة : عالفاضى
قلمى : أحمد جبر
ليست هناك تعليقات:
إرسال تعليق