.......(ألف سلامة)ّ..........
مع ألف سلامة هقولهالك
ياشهيد والله أمك دعيالك
في الجنة هتسمع موالك
وياشر إعمل مابدالك
بلدنا ودمنا ليها رخيص
الروح ترخص لك يابلدنا
في كنيسة ومسجد له مدنا
أجدادي وإحنا وأحفادنا
الحب مازال ذادنا وذوادنا
والقلب يابلدي عليك حريص
لو تطلبي إطلبي بزيادة
شهداء شهادتنا عبادة
نتمنى يابلدي وكالعادة
الشعب فقير أو كان سادة
إن كان مسلم أو كان قسيس
يعطوكي الروح والعين
بالدم وراك وعايشين
والرووس في إيدينا وشايلين
فداك ياست الحلوين
كلتنا أولادك م الجيش
يارصاص الغدر مابسألشي
خفافيش الليل منكوا ماخافشي
ياسواد في القلب مابنساهشي
تعابين إن شالله يكونوا بريش
على إيدي هتكون نهايتكوا
مش بس هعيش وهسكتكوا
بسلاحي والله هموتكوا
وسلاحي على كل خسيس
تتخبوا هنعرف ونجيبكوا
والشعب عارفكوا وراقبكوا
وياخونة روحي هترعبكوا
وأنا حتى شهيد مش في الجيش
............(شعر)..............
عبد الله السايح
ليست هناك تعليقات:
إرسال تعليق