اجرح زي ماتجرح
ااااااااااااا
اجرح زي ماتجرح فيه
هي حياتي ناقصة جراح
وابعد اد ماتقدر تبعد فضها
سيرة كابوس وانزاح
حتى الكلمة بتطلع تدبح
والاخر بتقوللي مزاح
امتى انا عشت معاك ايامك
ولا كملت معاك افراح
انا مش ممكن اعيش ايامك
طول ف الدنيا فيها براح
حافضل كده انا وحدي امير
عايش ف الدنيا وسواح
سيبني لوحدي امانة عليك
انا كده عايش مرتاح
ااااااااااااااااا
ابعد واهرب سيبني
لوحدي اعيش ايامي
انا مش طايق اسمع اسمك
ولا طايق اشوفك قدامي
خليني لوحدي على راحتي
يمكن اقدر اعيش احلامي
ولا عايز اسمعلك كلمة
خلصت معاك كل كلامي
مش عايزك تيجي على بالي
ولا حتى اشوفك ف منامي
وانا حانسى اني عرفتك يوم
ولا حانطق اسمك بلساني
ماتدورش عليه وتسال
انا غيرت خلاص عنواني
ااااااااااااااا
عايز تعرف ايه غيرني
اسال روحك
عشت عذابك واتحملت
انا كل جروحك
كنت باداري واحاجي عليك
من قلقك حتى ومن خوفك
واستحملت معاك ايامي
واستحملت انا كل ظروفك
انفاسك مش مستحملها
خليها محبوسة ف جوفك
ولا حاقدر اجي على نفسي
ولا عيني تغلط وتشوفك
اااااااااااااا
جبريل رضوان
ليست هناك تعليقات:
إرسال تعليق