وبقيتى بتوحشينى
ياللى عمرى مافكرت يوم تسيبينى
دايما كنت بفكر انى حاسيبك
وازوك لما توحشينى
وتحضنينى وتعتبينى
بقى كده اهون عليكى وفين وفين لما تفتكرينى
وتجي تزورينى
بقي كده يابت اهون عليكى
عمرك ياامى ماهونتى
دايما فى قلبي شايلة
صورتك ملامحك
حتى روحى من روحك
دايما بفكر فيكى
بحن ليكى
بشتاقلك
واحب اشوفك واحضنك وابوس ايديكى
وبقيتى بتوحشينى
ولما توحشينى اوى
اجيب صورتك اتامل ملامحك احس انك بتحضنينى
بتطبطى وتقوليلى بكرة ربنا يراضيكى
وبقيتى بتوحشينى
واما احنلك والدنيا تضلم اوى
اجرى اتوضى اصلى ركعتين
وكمان سورة يس
اقراها بتطمنى
واقراهالك دايما بتفكرنى بيكى
ابدا ماهونتى ياامى ولاحتهونى
دايما فى قلبي حتكونى
وفى روحى وعيونى
بحبك ياامى الله يرحمك ويارب فى الجنة تكونى
وبقيتى بتوحشينى
ناسي محمد
ليست هناك تعليقات:
إرسال تعليق