(قلبي صادق)
عارفه ليه أنا دايما عنك بعيد
لأن ببساطه سفينتي تاهت
وضاعت في بحور هواكي
حتي لقاكي أصبح فراغ
مايهمنيش
وأكيد من غيرك إنتي
مش هنكسر وهاعيش
أوعي تكوني فاكرة إنك
ملكتي قلبي بصحيح
ده زي موج البحر عالي
شويه معاكي
وكتير أعاصيره ماتنتهيش
ياما قولتلك خلي بالك
وماسمعتيش
قلبي زي الطير بيحب الملاغيه
صعب جدا تقصقصي ريشه
أو تحبسيه جوه غية
طب جربي مرة تزعليه
ولا أقولك بلاش ماتجربيش
لياخدك في سكه تتوهي
فيها ماترجعيش
أحسن لك تنسي هواه
ماتفكريش حتي في لقاه
عرفتي ليه بابعد عن هواكي
لأن قلبي مش بابتسامه
أوحتي ضحكه لسه صادق
مايترشيش ومن غيرك قادر يعيش
..................
بقلم الشاعر فرج البراهمي
14/5/2016
ليست هناك تعليقات:
إرسال تعليق