**ابدر عبير الجمال**
ولا كل من جمع الحروف
يبقى صحيح فنان
ولو كانت جميع حروفه
بالقافية والاوزان
الشعر احساس يغنّى
ويسكن الوجدان
لو بحره بين البحور
تايه مالوش عنوااان
واللى اخترع تفاعيله
فيها سبب وزحاف
مجهود ويشكر عليــــــه
لكن مهوش قـــــرآن
اطلق مشاعرك
ولا تقيـــــيد لاحساسك
يعزف عليها الوتر
باجمـــــل الالحــــــان
اهم شيء للجمـــال
الحــــرف والمـــعنى
وقول كلامك طبيعى
اضبط نغم رنان
ابعد عن التعقيد
يسّر امور الحرف
تصل رسالتك سريعة
اليسر فيها بيان
الورد اشكال كتيره
وكل وردة ب لون
وريحته بتزيد جماله
وتميز البستان
ابدر عبير الجمال
والنور على حرفك
وفى الوصول للقلوب
القاعدة والبرهان
******
عبدالله ابو النجا
ليست هناك تعليقات:
إرسال تعليق