قلبي .. / ‏توءه تءتوءه‏.

قلبي ..

ما املكش غيره اديهولك ..

دا اللي انا عارفاه.. 

قلبي انا بهديهولك ..

وكمان معاه عمري اللي جاي... 

اتعلمت في حبك يعني ايه الصبر..

علشان انول رضاك ..

بفضل افكر واعدل في افكاري وحيلي..

لجل الاقي روحي معاك ...

كل ساعه اقول..

يا تري بيفكر في قلبي..

اللي كل مُناه هواه..

ولا بتعب ولا بزهق..

اصل حبه احلي ما في الحياه..

عرفت معاه يعني ايه.. 

الحب مش بالساهل تلقاه..

لازم تحافظ عليه تتعب.. 

عشان يفضل معاك... 

كتير يجي لي احساس..

واقول وليه كل ده .. 

لكن لما افتكر ..

انه ممكن في لحظه ..

يضيع مني هواه .. 

اشحن في قلبي وعزيمتي.. 

ويبقوا دافع تاني جديد.. 

احافظ بيه علي وجودي وهواك..

وما بين تفكير وشرح واعذار ومبررات.. 

بيعدي عمري.. 

ولا طولتك ولا قادره انا ارتاح... 

خايفه في لحظه الاقي..

كل اللي فات راح... 

اصلي انا واللهي تعبت.. 

ونفسي بجد اغمض عيني..

مره وانول مرادي معاه. 

يبقي لي حبيب في دنيتي.. 

طول الحياه.. 

عامله نفسي جامده.. 

ومش هاممني.. 

لكني بيني وبينكم.. 

نفسي الاقي نفسي.. 

بين ايديه وادوق بقا الامان... 

يا ريتني ما حبيته.. 

كنت بقيت زي كل الناس.. 

شايفه وسامعه عنه.. 

لكني..

لا كاويني بُعده.. 

ولا دايقه من هواه وجع والالام... 

ولا حتي اتعودت علي جمال و طعم وجوده.. 

في الحياه.. 

لكني هفضل بالامل.. 

امشي علي حبل الانتظار.. 

لجل احصل عليه واوصل بيه لبر الامان...