و حنين يناديك من جوا الروح
لسنين كان فيها العمر برئ
كت حاضنة نجومك سحر الليل
كان حلمك خطوة فى الف طريق
كان قلبك نبضك بيكى معاك
و بيضحك ... تضحك ملو عنيك
كان صدا ايامك شبه الطير
لما بدون قصد يحوم حواليك
كت صورتك ايد بتلاعب ايد
و حروفك زيك مش بتخاف
تتجمع تكتب قصة براح
كما نور مسحور و فؤادك طاف
و الطيبة العايشة بعيد جواك
تستنى رجوعك لجل تبان
نفسك تتأنى فى خط السير
تتشنكل فيك يا خيال انسان
ترجع لحنينك تقسى عليه
و لا تسأل فيه عن معنى صريح
معذور وسكوتك كله كلام
ماهو امتى جريح بيداوى جريح
فهمى على
ليست هناك تعليقات:
إرسال تعليق