قــلــــــــــــوب
......
كتير القلوب حواليا
القاسى والناسى
والمليان طيبة
والحلوة اللى تخاف والحبيبة
وقلوب عن قلبى غريبة
قلوب اعشق ضحكتها وصفا روحها
قلوب اخاف من قسوتها وعذابى بجروحها
وقلوب تِهون عليا روحى عشانها
وقلوب تخون وخسارة فيها زمانها
كتير القلوب حواليا
وقليل منهم اللى ساكن قلبى
قلوب عايشة تهَون عليا
وقلوب عايشة ترضى ربنا فيا
وياريت نقدر تميز
بين قلوبنا اللى حوالينا
ربنا بس اللى يعلم
القلوب فيها اية لينا
يارب نور بصيرتنا
عَرفنا قلوب
مين معانا ومين علينا
عزة وهيب
ليست هناك تعليقات:
إرسال تعليق